Бірінші сынып оқушыларының тегін тамақтануы

Біздің мектепте бірінші сынып оқушыларын тегін тамақтандыруды ұйымдастыру басталып кетті. Бірінші сыныптан төртінші сыныпқа дейінгі оқушыларды тегін тамақтандыру кезең-кезеңмен жүзеге асырылатын болады.  Өсіп келе жатқан ағзаның жеке қажеттілігіне байланысты оның жасы мен жынысына сәйкес, тамақтанудың теңдестірілген рационы қажет. Сондықтан оқушылар үшін түрлі қоректік заттары бар ғылыми-негізделген екі апталық ас мәзірі әзірленіп бекітілді. Қырық төрт бірінші сынып оқушылары мектеп асханасында күніне бір рет тегін ыстық тамақ ішеді. Қызмет көрсетуші барлық технологияларды сақтай отырып, ас блогының жұмысын, жеткізілетін өнімдердің сапасын қамтамасыз етеді. Сонымен бірге ас блогында, тағам сақталатын қоймаларда санитарлық-эпидемиологиялық және гигиеналық ережелер сақталады.