12 қыркүйекте "Балкашин ауылының №1 жалпы білім беретін мектебі" КММ "Қарапайым ақиқаттар" ұранымен жалпы мектептік ата-аналар конференциясы өтті. Күн тәртібіне келесі мәселелер шығарылды:
1.Жаңа 2022-2023 оқу жылының ерекшеліктері туралы директордың оқу-әдістемелік жұмысы жөніндегі орынбасары Спиридониди О. Н. айтып берді..
2.Балалардың адамгершілік құндылықтарын тәрбиелеудегі отбасының рөлі. Осы мәселе бойынша директордың тәрбие ісі жөніндегі орынбасары Антонкина Т. Я. сөз сөйледі. Ол сондай-ақ ата-аналардың назарын оқушылардың мектепішілік тәртіпті сақтауына аударды.
3.Отбасылық құндылықтарды ілгерілету және нығайту: мектеп психологтары Темат А. К.пен Еслям Ж.К. балаларды тәрбиелеу үшін отбасылық әл-ауқаттың маңыздылығы туралы айтып берді.
Ата-аналар мен мектеп әкімшілігі өкілдері арасында сындарлы диалог болды. Оқу жылының басында оқу-тәрбие үрдісін жақсарту және жетілдіру мақсатында мұғалімдер мен ата-аналарға бірлесіп шешу қажет көптеген проблемалар туындайды. Ата-аналар белсенді қатысып, балаларды тәрбиелеу мәселелерінде мектеппен ынтымақтасуы керек.